كلمات اغنية شخص عادي مشعل زبار
ما عاد يلزمني وجودك .. ولا ابيك
صرت بحياتي عابر و شخص عادي
كلّ المشاعر ساليه ما تناديك
حتّى لو شعورك تجاهي ينادي
ما عاد قلبي لك .. ولا عاد يرجيك ..
عايش ولكن في شعوره حيادي
هذا قرار القلب من فعلة يديك
قرار يقتل متعتك بالتمادي
بعت البشر من شانك وكنت شاريك
ولا هقيت بيوم هالعشق غادي
كنت اسهرك ليلٍ وافصّل معانيك
واشوفك المنوة وغاية مرادي
ما ينطق لساني سوى اسمك ويدعيك
ان ما يناديك انت .. منهو ينادي ؟
افزّ اذا عندي يجيبون طاريك
ثمّ ابتسم من لهفتي لا إرادي
كنت انتظر ردّ العطا بمثل ما اعطيك
واثره في عينك يعتبر شيء عادي
راضي ببعدك وانت بُعدي بيرضيك
فترة ويصبح ذا البعاد اعتيادي
