كلمات اغنية شهر 7 حسين الجسمي
كلمات سمو الشيخ حمدان بن محمد بن راشد آل مكتوم “فزاع”
ألحان : فايز السعيد
من جايع الوصل .. للّي حبّها شبعه
لا اطربني الشوق كيف اشبع من الطربه
حُر الهوى لو يلومه في الهوى تِبعه
ما شاف مخلابه اللي مدميٍ خِربه
من حصّل اللي خذا قلبي وانا تَبعه
قلبي على دربها ، وآنا على دربه
غزالة الوادي اللي جرّحت سِبعه
من شرق قلب السبع تختال لا غربه
خذت من القلب ثلث الشوق أو رُبعه
بالنظره الواثقه ، والهرجه الذربه
والكره .. مثل السحابه في شهر سبعه
ما تنبت العشب وَلاَ تسقي التربه
والحب .. نهرٍ مصبّه فاض من نبعه
شوفه يكفّيك يالظميان عن شربه
والوصل .. مثل الشجاع الشهم في رَبعه
ما يرهب السيف وَلاَ يرهب الحربه
والهجر .. مثل الذليل اللي فشل طبعه
من ذلّه .. الناس محدٍ يطمع فْ قربه
