كلمات اغنية عيد الدار جمعه العريمي
كلمات الشاعر: مبارك الحكماني
يوم عيد الدار و الفرحة ثميـنه
و أسم ابو خالد على القمة تـرسّم
الفلاحي طـودنا حامي عريـنه
سيف داره لا طغا الوقت او تعسّم
محمد اللي بالصعايب خابرينه
كل ما دارت رحاوقته تبسم
في الفيافي و الصحاري و المدينه
خيره الفايض على العالم تقـسّم
والحظيظ اللي يصافح له يمينه
واجب ان يمناه و الشارب يدسّم
في حماه يلاقي الضايـق سكينه
و كم مضيومً بعد ضيقه تنـسّم
و في الحرايب والصعايب خابرينه
كل مـا دارت رحى وقـته تبـسّم
و شعبه الي عاش في ضلّه سنينه
صفهم واحد ولا هو جـد تقـسّم
وسمهم لي في المطايا واسمينه
في ذخايـر جيشهم تالـي تـوسّم
ان دعاء الداعي لقاهم عند عينه
يحسمون الكايد اللي ما تحـسّم
