كلمات شيلة ماهمني نواف فريح
كلمات و اداء و الحان: نواف فريح
اتحبني
والا تبيني
بس لا احتجتني
قول الصراحه
اليوم انا متساويه وياي تبقى او تروح
يخلي يعني مسموح
ان كان ودك تروح
الباب ياسع جمل
ومنك يكفي دبل
ما ابي اسمع كلام
ولا ابي حب وغرام
من كثر ما انصدم
صرت ابي بس السلام
اخطر انواع ….الام
لما قلبك ينصدم
من عشيرن يمدحك
ومن ورا ظهرك يذم
قفلت باب المشاره واستراح الظمير
وكبرت راسي عن اللي سولفو بظهري
وماعادها ياحبيبي تفرق معايا كثير
ان جيتني والا عساك تغيب عن ناظري
من صد عني لو انه كان
غالي عسى الله لا يرده
لو كان لي بحياته شان
مارد بابي والا سده
اشجع اللي علي زعلان
واقول له طول المده
مادامني ماني بغلطان
ابو لابو لابو جده
ماهمني فلان وابن فلان
وفلان محدن وصل قده
اخاوي المحزم المليان
لو كان دينار مابيده
خسرت واجد من الخلان
كانو رقم ياكبر عده
وقت الرخا كنهم جرذان
وتهج لا صارت الشده
مو لازم انك تكون انسان
تملك علاقات ممتده
وتهين نفسك عشان فلان
…عنده عماره بحر جده
الازم انك عزيز الشان
ونفسك على الطيبه تحده
وكرامتك لو تصير اكوان
اورد على الموت ولا تهده
الرجل من دونها بنقصان
ولا ينسمع رايه ورده
عزلت نفسي عن الجذبان
وضميري رتاح له مده
وسريت مع حلمي اللي كان
ياتيني من مده لمده
وصرت اتقهوى وانا طربان
ولا حسب الوقت ولا عده
