كلمات شيلة وينها ايامك غريب ال مخلص
كلمات : عبدالله ال مخلص
هبت الذكرى وخلق الله رقود
وطرف عيني في منامه ماهنا
وضيق صدري زاد وبليا حدود
وش لنا في الحب وش الي حدنا
شوق قلبي كان في حالة ركود
اه من ذكرى الهوى دربه فنا
تعبت أقدامي على درب مسدود
والمفارق نور برقه قد سنا
احسب ان حبك بيرقا بي سنود
لا حصد في ععشرتك ولا جنا
ليه تهدم حبنا بكثر الصدود
ليه يا اطيب قلب حبيته انا
وينها ايامك حبيبي و الوعود
كلها طاحت و طاح اللي انبنا
في غرامك ضعت ولا شفت مردود
و خابت الهقوات من بعد الهنا
ايه احبك و اتمنى انك تعود
واتمنا لحظت القنا مونا
بعت من يشريك بعته يالجحود
والخساره واضحه ما بيننا
كثر خيرك يالغضي والله يجود
ما لقينا في هواك الا العنا
