كلمات اغنية القلب حامد الضبعان
كلمات : خلف بن هذال العتيبي
الحان : سعيد ابو معيتق
القلب اهل الهوى عزروبه
كنه يقطع بحدب الجنابي
سابح ونبضه على الدم دوبه
كم ليلةٍ في منامي سرابي
شفت المذله وذقت العقوبة
تطلع لي الشمس ما يندرابي
كني على الباب قضاب نوبه
مالي زميلٍ يخفف عـذابي
بالكسر كن العظام معصوبه
اخفي عن الناس واجحد صوابي
ماكن في الحال هم يلوبه
ولاكن يجري معي سم دابي
اخاف من هرج ناسٍ سعو به
تسعى بالاكذاب بين الغيابي
اصون عشقي وأسنّع دروبه
أفتح للاشواق بابه وبابي
من سبتك يا مخضب كعوبه
تزهى الخواتم وتزهى الخضابي
منك العجايب وفيك العجوبه
عندك عواطف بنطق الجوابي
ياغصن بانٍ نعم في قلــوبه
متربع بين خضر الروابي
تلعب به الريح دوبه و دوبه
ما حل في عود جذعه عيابي
ياعين حر لنجد قنصوا به
له ماكرٍ في قرون الهضابي
يطرح عشاهم ليا روحوا به
لو طار بين السما والسحـابي
ياعنق ريمٍ ربى في خبوبه
يجفل ليوحى حنين الركابي
يتبع وسوم الهوا واعترو به
قوم بقطع الخلا ما تهابي
لاكن يا غايبين ارجعوا به
هاتوا حبيبي ترى القلب ذابي
ومشوا على مهلكم وارفقوا به
وادروا بخاطر غضيض الشبابي
