كلمات اغنية المحتكر مسفر السندوانه
كلمات الشاعر : زايد بن عبدون الجنيبي
الركض به متعه ومكسب و نوماس
يـا اهل الـهـجن كلن يصفي ظـميره
مـابه على رزاق الـمـخاليق حـراس
غـيـر الذي تعما عليه الـبـصيره
بعض المواقف تختبرمعدن الناس
لاجـدمو والـشـوط نـارن سـعـيره
ســلام للي سـمـعته تـرفع الـراس
فـعـله كبير ومـنجـزاتـه كـبيره
المحـتـكر في عالم الركض نبراس
الـفـعـل بين والـجـوايــز مـثيره
مـن لابتن تـثبت والاريـاق يـباس
أهل الـجنابي والسيوف الشطيره
زرعي وله في هامةالمجد مجلاس
فـوق الـثريا والـنجوم الـمنـيره
يـاعـز رأسـاً ما تــعوّد ع الافــلاس
لا حــظــرو للــرمز بعد الــظهيره
أبو ســعـيـد بكل محفل قوي باس
وكل ما ظفر بالرمز يطمح لـغيره
ينزل بنخبه مالجواهروالالماس
تغرم على الشامي وبنة عبيره
صفوة بكارن ركظها ما لها جياس
نوادرمثل السباع المغيره
متوكل ونوظا سحابه ومياس
وعلى التوالي تستمرالمسيره
رمز التماس بشوط ناري وحساس
ورحاب بالكاس المذهب جديره
لا شك من خلف النجاحات جرناس
يدفعبهن عند الخطوط الاخيره
يعني رموزالعام ماهيب مجياس
ترقبو للمعطيات الخطيره
هذي السنه عينه على السيف والكاس
وأخــوه عـبـدالله حـــزام وذخــيــره
عزومهم فولاذ ما تعرف الياس
إنجاز مـتــجــدد بنفس الــوتيره