كلمات اغنية صعبة منال اسعد البطحري
كلمات : سعيد الحجري
شد الركض يا اهل الحلال
والركض يبغاله سبوق
حلوة عضا حلوة قبال
تروّق اللي ما يروق
سهلة وصف صعبة منال
لقلوب خلق الله سروق
ارخص لها خشم الريال
ان كان تبغى تروح فوق
اثقل من ظهور الجبال
واسرع من اضواء البروق
لي شكل مضمرها هلال
ياخذ من النسمه نشوق
وضلوعها قوس النبال
متقوسه تقويس طوق
يسرح في منحرها الغزال
مْن العروق إلى العروق
ما بين ذنها والسبال
وجهٍ يداوي كل عوق
متحدبٍ مثل النصال
يقطع معاليق الخفوق
يزيده الشامي جمال
وتغازله شمس الشروق
من وين ما تلقى مجال
تسبق دفع ولا لحوق
في الوهره اتحط الرحال
لي تلتفت فيها العنوق
مضمارها مابه جدال
عن كل مضمارن يفوق
مدعومٍ بْجهدٍ ومال
من كف بن هاشل دفوق
نهرٍ يوردوه الرجال
كل عام ميعاده صدوق
يا مرحبا والحبر سال
وسالم ابن هاشل شفوق
للمرجله بفعل وقبال
له مجلسٍ ماهو امغلوق
مصففه فيه الدلال
صفت شماريخ العذوق
راعي المواقيف الجزال
مخلوق عن الف امْخلوق
وعزان عن نهجه ما مال
فعله يداوي كل عوق
ما يبرك الا للثقال
ويتوق للناموس توق
في شفه يصيبه هبال
ما بين خيل وبين نوق
سلام يا روس الرجال
أسم الرشيدي فوق فوق