كلمات اغنية صفوف سوطه الوليد ال عامر

كلمات اغنية صفوف سوطه الوليد ال عامر

يالله وانا عبدك الخطّاي وانت الغفور
أعصمني من الدروب العوج والمورطه

ماودي اقابل الشعّار يوم النشور
كم فيهم اللي بشل ذنوبه المفرطه

تنتّبوني عموق الفكر فكر وحضور
يسقى عليّ وعلى اسمي وأحرفه وانقطه

وخذت وخذ الصغايه قدم دن النجور
مغير اصايد صدا صوتي لجل ما اشحطه

يا لايمي يوم اجنّب كل سكّة عبور
والله يَ ممشآ مشيته ماني مفرّطه

لاني بحكّاي زور ولا بشهّاد زور
ولاني عوَج حنْك ولا لساني ممغّطه

خذيت قسمي من اسمي والدليل مخبور
فعولي مسلّطه وطروقي مسلّطه

الي مابين السطور ادفنه بين السطور
كذب الزمن صِدّقْ ولا استنكر منمّطه

الكوكب الارضي بنفسه يلف ويدور
عادي لا شفت الاوادم حبّها تلقطه

كلٍ يَ دفع البلا، طاع الحسد والفجور
ماكن وراهم حساب ومحشر وشلوطه

يَ صاح شجّعني ألحّق غموري غمور
صاحبك شايف وعايف والحماس اقنطه

ليه ألتفت فـ السوالف والسوالف قشور
الي بلا لب عند البدوْ مفلى احمطه

عن واهج المجتمع ومساومات الامور
خذها بصريح العباره والحصيل ابسطه

يحثني لـ الخطا، حث الخُطا لـ الظهور
وانا اكبر من الظهور ومطمعه واخططه

الحق وجهه قوي والصدق صوته جهور
والحر من ماكره، والخيل من مربطه

تواضعي ماهو بـ كثر التواضع غرور
سلمي مع الناس ي مصعبه ي مبسطه

دايم كلام العيون اصدق كلام الصدور
ومن قال والبيّنه اقول والزغلطه

مثل مَ لـ البير ساني، لـ السواني سبور
مقلاط ماله قدر والله مَ اقلّطه

حي الله الي يعزف الشور عزف المشور
لـ اختلفو اهل الجروح الفتق والخيّطه

والّي خلقني وصوّرني بـ تسعة شهور
مجيّ مثلك لو انّه طيف رحت اخمطه

نابغ وصوف وعُكاضي طرح وأسمى حضور
وارتب من الصفصفه واشقا من اللخبطه

هذي مراحل نمو ولّا تعاقب عصور
كل يوم عن يوم تطوي جيل وتحبّطه

حمايدك غير حسنك حسن سيره ودور
حتى الصعاليك مَ فيه الي فيك اضبطه

جمالك يشيّد بيوت القصايد قصور
مدني فصيحك من الاحساس واستنبطه

طرقك لا زال الشعر وان عوّدت لـ الشعور
القلب ملعبك وضلوعي صفوف اسوطَه