كلمات اغنية عن الغيمة فهد الكبيسي
كلمات : رزان
الحان : ناصر الصالح
عن الغيمة ليا غطّت سما هذا الحنين أحكيك
عن دموعٍ تحسب الأرض تُورق لا ارتمت فيها
عن اللي منكسر لجل يتلاقى مع ظِلال ايديك
عن اللي كلّ ماضاقت ، حروف اسمك يغنّيها !
أنا ذاك الحزين اللي بكى يرجي تقول شفيك ؟!
أبي أنزف من عيوني سوالف كنت أداريها !
أبي تتذكر سنيني وتاخذني الى ماضيك :
ترى المستقبل أتعبني ولاادري ايش تاليها ؟
تأخرت وذوى قلبٍ هلك من حرّ ما يطريك :
مسافات اللقى طالت عليه وهو يخطّيها !
دخيلك لو نويت ترد .. ردّ احلام عمري فيك :
ترجّع روحي لروحي قبل تصعد لباريها !
تعال ان كان ماتدري لغيرك ماقدرت اشكيك
انا محتاج تسمعني جروحك لا تبدّيها !
تعال وطمّن إحساسي طلبتك الله يخليك :
ملامح وجهي في بُعدك سمار الهم يغشيها !
