كلمات اغنية قدر قدر اصيل ابو بكر كلمات الاغاني كاملة
كلمات: أصايل
ألحان: البحر
قدر قدر والوقت حان وجيت أنا أكتِب شِعر
ولِـ الشِّعر باب وهاجس الأشعار فِكري طارِقه
ياللّي أسافِر بِك خيال وفي يدي شنطة سِفر
أوادعك وألقاك وعيوني بشوفك غارِقه
تعال وإسمع وش حصل وِش صار فْـ أقراب وبِشر
النّاس تِتصافح لكن قلوبها متفارقة
اللّي رِبح فيها رِبح واللّي خِسر فيها خِسر
و أكثر خِسايِر هالبِشر أهل القلوب الصّادِقه
وين الفرح في دنيتي من رحت ما له أي أثر
حتى شوارع غيبتك تبكي معايه ضايقه
راح الوفا في غيبتك واللّيل ضايع له قمر
واللّيل طال بغيبتك ومافيه شمسٍ شارقه
لأنك إنت في ضِما عمري مِثل غيمة مطر
غيمة كَرمْ مرّت وفا على النّخيل الشّاهقه
أضما معاك بعزِّتي لو كان غيرك لي نهر
أضما ولا مِنّة بخيلٍ يعْلِني آفارقه
آعيش بك ذِكرى غلا مانْساك لو طال الدّهر
ولأن روحي وعيني الثِّنتين شوفِك عاشقه
إنت الغلا وأجمل غلا مانْساك لو طال العمر
ولأن ذكرى طيبتك عاشت بروحي عالِقه
يا أغلا إسم في دِنيتي يا در يا حِـــص البحر
ضمّيتك بْـ مِخمل فوادٍ من سنين وغالقه
القلب لِك روضــة غــلا والعين لِك قصر ومِقرْ
وكِل لحظةٍ مرّة عليّا دونك إنت حارِقه
