كلمات اغنية مشتاق لك عيضه المنهالي
كلمات علي الخوار
الحان حمد القطان
تدري وش يسوي الغياب بقلب يشتاقك كثير؟
تدري وش يسوي الوله في قلب عناه الغياب؟
وده يطير من الوله .. ويطير لعيونك .. يطير
ويقابلك في كل باب .. وكل باب .. وكل باب
مشتاق لك يا من أراك الحب .. والقلب الكبير
مشتاق لك يا من في حبك قلبي المسكين ذاب
انت الأمير اللي على هالقلب نصبتك أمير
وانت الحبيب اللي عليه اخاف من كلمة عتاب
قِلْ لي أحبك .. قول لي أشتاق لك مهما يصير
خفف عليْ مْن الوله يكفيني في الدنيا عذاب
أو عُود لي واجبر بوصلك خاطر القلب الكسير
وارحم عيونٍ رمشها من غيبتك والشوق شاب
