كلمات اغنية معنى الغرام سلطان خليفة وعيسى الوعد كلمات الاغاني كاملة
كلمات: سعيد النعيمي وجمعه غريب
الحان: سلطان السيف
يا صاحبي ابا أسألك وش هو الغرام
خلك من اللي نسمعه عطني دليل
هل هو مشاعر صادقة ولا كلام
ولا تحسّه في زمنّا مستحيل
معنى الغرام : إنك تلاقي الإهتمام
من شخص قلبه وافي / و طبعه أصيل
و ان الحبيب ان كان في صدره ملام
يْصارحك / ما يرحل يْدوّر بديل
بعض الغلا مثل الشتا يؤذي العظام
لكن نحبه وما لنا عنه سبيل
قاسي على العشاق جداً فالخصام
بس بالتفاهم و الوصل يصبح جميل
هذي تفاصيل و متاهات الهيام
مهما يطول الفَرْح / به حزنٍ قليل
لو ما نعيشه نور و نعيشه ظلام
ما كان حسينا بْتلاقي و لا رحيل