كلمات شيلة مامنك اثنين محمد ال دلبج و الوليد ال عامر
كلمات : محمد بن سعيد
ياللي جمالك ماله حدود
كل يوم وانت بعيني تزين
غالي و قدرك دايم يزود
بين البشر ما منك اثنين
مثل الظبي لا صرت مرصود
ذاير حيا ما تملي العين
منهو نوى صيدتك مصيود
وشلون ما ينصاد يا زين
وانت اللذي بالرمش مفنود
ترمي ولا تخطي النياشين
بين العذارى بزينك تسود
يا محرق كروت المزايين
ادري وتدري ان انت مقصود
والسر يبقى بيننا البين
وتدري اغار من هبة النود
كل ما تلاعب شعرك بلين
وان بان منها خصر مبرود
كن الجسم مقسوم نصفين
وادري لو انها بانت خدود
يغار منها البدر مسكين
وتدري ما غيرك عنده الكود
مفتاح قلبي والشرايين
غيرك يلاقي الباب مردود
ولا انت لك مفتوح كل حين
الدرب لك مفروش بورود
نرجس مع جوري ورياحين
لا تجازي المشتاق بصدود
الوصل من سلم المحبين
