كلمات شيلة ياغاية الملهوف محسن ال مطارد كلمات الشيلات كاملة
كلمات : بندر الروقي
الحان أداء : محسن ال مطارد
مع هجعة الممسين ما ليلي بليل
هاضت بي جروحٍ قديم اثرهـا
بعض الطواري تشغل الفكر بالحيل
وتملى عواصم جوف صدري هِجرها
مغير اهوجس وارهي من الفناجيل
في ليلةٍ يضوي دروبي قمرهـا
واخايل مزون السحاب الهماليل
اللي مضى من عام الاول مطرهـا
يا وبل غيثٍ يحيي القلب ويسيل
حبك سكن وسط الضلوع وعمرهـا
يالماضي الحاضر ويا تالي الجيل
طيفك يمر الذاكرة ما هجرهـا
ياغاية الملهوف وين المراسيل
غيبتك عني يوم تعدل شهـرهـا
اسمك على اذني مثل سجع المواويل
والعين لا شافتك يبرى نظرهـا
ياللي على بالي ولا يمكن تزيل
نفسي من اللوعات ذاقت كدرهـا
صرت اتواجد في عموم المداهـيل
لعل يطري سيرتك من ذكرهـا
العام يطرونه بكل التفاصيل
واليوم غاب الوصل حزة سحرهـا
عقب المواصل ضيعتنا المواصيل
وعوج الليالي مالقت من جبرهـا
وادخل على الله يالليال المقابيل
ماعاد ندري وش مواري صورهـا
