كلمات شيلة وين السلامه فايز الدوسري
كلمات: ماجد محصان المطيري
انكسر غصن المواصل ياحمامه
لاتلومين الشعور ليا تغيّب
من يشوفك وينه و وين السلامه
والله ان البال ماهو منك طيّب
قد ذبحنا في مواصلك الكرامه
وانت عذرك لابعيد ولا قريّب
جيت مدري من ذكاء ولا غشامه
صامل الهقوه وقلبك ماتهيّب
يوم شفت الليل حاصرك بظلامه
جيت يوم ان المطر ماهو بصيّب
يوم يثبت كل شيٍ في مقامه
عن صدودك ويش عذرك يالحبيّب؟
ليت قلبك صافين لي بـ اهتمامه
كان ضني فيك والله مايخّيب
مير قلبك صار غارق في منامه
والهواء ماهوب ذنب ولايعيّب
قد مشاه الي له شداد وزعامه
لين راسه من هواء الخفرات شيّب
ولا انا برد قلبي عن هيامه
ردة العشر العوارض للركيّب
ماحكمت القلب حكم اهل اليمامه
حكم اخو نوره على الحق المنيّب
