على العهد سعيد الريسي
كلمات الشاعر : وليد الريسي
اداء والحان : سعيد الريسي
شعبك يابو ذي يزن ما غير عهوده
باقي لكم على العهد بعزوم وقّاده
يرسل لكم من قصيد الشعر انشوده
ليوم الوطن لي بكم رب البشر عاده
ابيات جزلة بمعاني الشعر مفنوده
نغني بها للوطن في يوم ميلاده
عيدن عسى الله عليكم دايم يعوده
وانتوا من الخير دوم الدوم ف زياده
سلطاننا افكاركم ما هي بمحدوده
منهاج سلطان قايد من نسل قاده
رؤية عمان المجد يصعد بها صعوده
وأوطانكم سيدي ع المجد معتاده
سلطاننا هيثم لكم افعال مشهوده
وكل شبر في ذا الوطن يشهد لها شهاده
وايدن لكم بالكرم والخير ممدوده
وهيبة حضور وعزم واصرار وقياده
صيتن لكم عم الوطن وف خارج حدوده
يشهد له التاريخ والرب وعباده
سلطان عز وفخر مشهود مجهوده
فطنه ورؤى للمجد تطوير ورياده
