كلمات اغنية ما عرفتك اصالة
كلمات : المزن
الحان : فايز السعيد
ما عرفتك يا غرامي ما هو انت اللي عشقته
حتى وجهك والملامح ما هي ذيك الأوليه
نظرتك .. قسوة عيونك تحكي شيٍ ما نطقته
كن روحك عافت ايام السنين العاطفيه
كل جرحٍ بي زفرته .. كلّ حبٍ لك شهقته
كل دربٍ لك مشيته بالوله روحه وجيه
ما بقى بحرٍ من بحوري لوصلك ما غرقته
مدري وش أكثر أسوي ما بقى بي مقدريه
آه يا حلمٍ حطبته في حناياي .. وحرقته
آه يا حبٍ كتبته لين غنت الابجديه
كان قلبك ما يبيني قول يا اغلى من صدقته
كان عينك ما تبيني قول .. لا تكذب عليه
يوم قلبي جا لقلبك .. جيت ويّاه .. وسبقته
يوم قلبك صد قلبي قلت راح اغلى البريه
ما بقى بي إلاّ انت .. وكلّ شي مني سرقته
خذت حتى كبريائي في الهوى والنرجسيه
ما هُو انت اللي تعلق في حناياي وعشقته
ما عرفتك ..! والاّ يمكن ما هو انا الاوليه
