كلمات اغنية ياصبي استمع حامد الضبعان
كلمات : حميدان الشويعر
الحان : حامد الضبعان
ياصبي استمع من عويد قضى
الدهر مد به لين ماقصري
مابقى منه غير العصب والعظام
مثل عود على الدرب ومقشري
حط بالك لما كان اوصيك به
فن هذي وصاة على خاطري
كل من كان قبلك بيوم وليل
شاوره وان جذت عنه ماقصري
ولا تضم التي ماتعرف السوا
تجعل الزين شين ولا تستري
يذن العصر والعيش فوق الرحى
القدر موصخ واللبن مخوري
ولا تضم التي تشتري لـ اللغى
دايم هرجها بالكلام الزري
لو نشدها بعلها بهرج لطيف
طوحت حسها مادري مادري
ولا تضم التي ماتخلي العباة
دايم كنها تلعب العيثري
من جهلها تخلي ولدها يصيح
ما تسنع لها مورد ومصدري
ولا تضم التي مالها من تهاب
خبلة هبلة مالها ماكري
يوم تصبح تدوج بوسط البيوت
كل دار تبايع بها وتشتري
ولا تضم التي رزنة بالمكان
صخرة كنها تقطع المشوري
لا حديث يسلي ولا من فراق
قلب لا يحزن وعين لا تنظري
ولا تصم التي ينخزن دونها
دوم نجارها بامرها ينجري
لو تقول ارفقي يامره بالحلال
دبري مرزقك ذا السنة واصبري
بان منها من العيب ما تكرهه
وباشرت في محيصيلك تبذري
لو يخطرك شريف فلا سرّها
ودها انه تخطر ولا تخطري
