كلمات شيلة حسرة غيابه مشعل الشراري
كلمات : فارس مدالله الشراري
ماهقيت إنك بخيلة وصل يا سود الليالي
لين قفيتي ب خلي واكتشفت إنك بخيلة
كنت مستأمن وجوده ما أتوقع فقد غالي
أثرها مثل الثواني ماهي بقربه طويله
كل يوم اهل دمع وكل ليل اسهر لحالي
بين نار وبين شعر وحسرة غيابه وشيله
كيف ما جابه حنين وكيف ما هزه سؤالي
واللي حاله مثل حالي بالهوى واعزتي له
ياخساره كانه اقفى او لقى شخصٍ بدالي
وانا حالف بعد حبه ماني مدور بديله
اذكر انه كان مره جالس يسولف قبالي
والنظر عن موق عينه ماقدرت اني اشيله
معك حتى الملح عذب ومنك صار المر حالي
والسوالف مع جنابك تشفي الروح العليله
فيك قيس وفيك ليلى ، فيك ابو زيد الهلالي
وفيك من حرب البسوس وفيك من عين الجليله
في غيابك ياحبيبي لو تشوف اللي جرالي
عايشٍ مابين رجوى الممكنه والمستحيله
غبت ياوجهٍ ضحوك وضقت ياصدر الشمالي
انتهى معك الكلام ، ولا بقى باليد حيله
