كلمات شيلة شاب راسي فهد بن جازع
كلمات : الحفظي الشهري
ألحان : احمد عبدالقادر
ياحبيبي شاب راسي
من قساوتك وجفاك
اتقرب لك وتبعد
كيف بعت اللي شراك
ايش تجني من عذابي
وحرقة اعصابي معاك
وانت يالمزيون تدري
ماسكن قلبي سواك
انت من حقك تغلى
وتختبر فيني غلاك
وانا اقول اهدا وتطمن
انت في عيني ملاك
انت من سهر عيوني
وقادني لدرب الهلاك
وانا صابر واتحمل
وش هي الدنيا بلاك
قلبي اختارك وحبك
وماشغل فكري سواك
انكويت بنار حبك
آه من جمرة غضاك
ياربيع ايام عمري
شب في صدري ضواك
ربّع بروحي وخيم
ياعسى سنيني فداك
داوني بالوصل واقرب
لاتفرح بي عداك
كل احاسيسي عطيتك
وانت تبخل في عطاك
يا الغلا بيديك فرصة
لاتضيع من هواك
راض من حبك بكلمة
لو ببسمه من شفاك
لا تواصل في عنادك
لاتمادى في خطاك
لا انكسر قلبي وعفتك
ماعد ادور رضاك
دامها ارض الله وسيعه
والسما ماهي سماك
ببتعد واعيش سالي
الله يسهّل خُطاك
