كلمات شيلة بدون ايضاح هزاع المهلكي شيلات جديدة مكتوبة
على طارت اللي عُقب عقب شفا السرداح
تقول انه اللي مذنب ومقفيٍ جالي
يحول مثل محوال حرٍ على الملواح
على العارض وينصا بي معرب الخالي
ابوعامر اللي يوم اجيه اسفهل وارتاح
من الضيقه الي كل ( ليله ) على بالي
ابومجلسٍ مافيه ضبه ولامفتاح
مشّرع على كرمه وترحيب ودلالي
مبارك يابن عامر حزامي بعيد الشاح
ابشرح لك الموضوع يالقرم كتالي
انا اواجه ضروف اليالي بدون سلاح
ولا مال راسي مع قسى الوقت وعقالي
ولو ان الفرح موجود في صالة الافراح
ما تلتني الضيقه عسى مالها تالي
يدين الزمان الي تطاول علي شحاح
وانا لو يشح الوقت ! ما اشح بريالي
احس الحياه مقفله مالها مفتاح
والايام تغلي زين وتدور الغالي
ليا من وقتي فاح صدره وصدري فاح
ياحالي لا تنشد وش بعد صبري الحالي
لو يطيح راس المال راسي بقى ماطااح
اواجه به وجيه المقابيل ما ابالي
معي لليالي صمله غليص بن رماح
وقلب ابوزيد ابصدر ابن زايد العالي
لو الوقت مثل الي ليا اخذ لزومه راح
ماشفت الوسيعه فارغ ربعها الخالي
لا صد الرفيق عن الرفاقه بدون ايضاح
واكل من جنوبي في غيابي وانا سالي
وليا شفت براق الجفا والقطيعه لاح
مالديت له لو كان بن عم وموالي
ولو سد مارب باح سدي بقى ماباح
على كل عالي همتي قدرها عالي!
اعيش الحياه تقول عندي ( 8 ) ارواح
وعرفت الحياه الدروس ومكافح ابطالي
كلمات : رشيد العالي
