كلمات اغنية ابيك تمر مطرف المطرف كلمات الاغاني
كلمات : محمد جاسم يعقوب
الحان : فهد الناصر
اذا فاضي ابيك تمر تنوّر عتمة الاشواق
ابي ننعش علاقتنا.. ونحيي الحبّ من ثاني
تعبت اوصف مدى حزني وجرح البعْد ماينطاق
ابيك اليوم وبْكلمة تنسّي قلبي احزاني
على كثْر الوله فيني انا ادري بالمثل مشتاق
تسابق خطوتك يمكن.. تجي صدفة وتلقاني
حبيبي خاطرك ضايق وكونك في غيابي ضاق
ومحال انك تعيش العمْر من دوني وتنساني
نشف حبري.. نفذ صبري ولا ادْري وينها الاوراق
عجزت اصرخ انا باسمك ولحدٍ للأسف جاني
ابي ننسى.. ابي نكبر ونرمي بالظهر الفْراق
وابيك بْلهفه ترجع لي.. وتاخذني من احضاني
تذّكر لافضيت تْمر.. ونرجع للأبد عشاق
انا فاقد دفى عْيونك.. ترى هو نفس عنواني
ياويل اللي هجر حبّه ومن صمت الليالي ذاق
عذابٍ ما ابد مثله وخوفٍ لا ماهو بفاني