كلمات اغنية بعايد عيونه حمد الساعدي اغاني جديدة مكتوبة كاملة
كل العرب ودهم يهنّونه
وفي صباح العيد اهنابه
قلت انا بعايد عيونه
بو عيونٍ سود جذابه
انتظر ساعــة ينادونـه
واتخيل رَمّشت اهدابه
من كثر ماهم يطرونه
زايــدٍ شوقي واعجابـه
دار زايد داره و سّكونـه
وفِي وجوده دوم تحلابه
الغــلا كلهم يوصفونــه
كـالقمر مــاغير ينتابــه
الخدود تشـع من لونـه
والعطر فايـح من ثيابـه
و الخصر يتمايل بهونـه
ماحسب للردف إحسابه
العقـد لو بس يِشوفونـه
ع النحر زاهـي ويزهابه
خوفيه بس لا يَحسّدونه
من عيون الناس وحبابه
هو فريد الوصف من بونه
وفي جماله ما حد يشابـه
مشيـدٍ ع قلبـي حصونـه
وعايشه روحـي و تحيابـه
ما رفق في حال مضنونـه
و معـذب العذال بسبابـه
يــا جماعــة لا تلومونـــه
هو شفى للقلب وطبابـه
كلمات : ناصر بالمر النيادي لحن وغناء : حمد الساعدي
