اطلق الفنان برهان اغنيته الجديدة حكي جارح من كلمات صافيه والحان الحلاج وتوزيع علي خفاجي
كلمات الأغنية
كيـف انسى حكي جـارح.. يراودني من البارح
ولا تـدري عن شـعورٍ.. تمـادى بي ولا اهتمّيت !
تخـون احسـاسنا يـاذاك،، ابيـك تقول وتصارح
هدمت القلب بـ افعالك وفيني لا ولا حسّيت
ماعـاد يفـزّ لك قلبـي لو حضـورك بدى واضح
انا بـ اقـوى على قلبي، ياقلبي صدّ لو حنّيت
يـاقلبـي وش كثـر آذااك،،لا تسمح له لو يصاافح
أخـذت اللي بقى مني.. ولو يبكيني ماسجّيت
رسمـته في سمـا عُـمري ..وغـلاه بنـظرتي واضح
حفظته في بحـر شِعري..اهيـم و له صـور ضمّيت
كتـبته ليـن مـاجـفّ الكـلام بـ فِكـري السـارح
ومحيته من ورق عمري، وماكنّي ابد حبيّت
وجيـت تقـول انا احبـك وبطلب منـك تـسامح
ضميرك ماهدى ولّا بعد ماغبت لي حنّيت؟
ابـهزم نظـرة عيـونك… وابـهزم شـوقي الفاضح
واقـول الله يسـاعدني انا انحـديت انا انحديت
ماعاد يهزني شوقك .. امانه كيف باسامح
و عـز اللي رفـع قـدري انا مـن خـافـقي صدّيـت
