كلمات شيلة غلاك علي الواهبي
كلمات : العنود آل ثاني
لاصرت مبعد ماتغيب الرجاوي
لي خافقٍ مشتاق والروح شفقا
وان قلت لي بالحب مابه تساوي
تحبني وتزيد بالحب عشقا
باقول حبك فوق كل الهقاوي
عميق وأمواجه بها الروح غرقا
عليل منك القلب ومنك امتداوي
يسعد معك بالحب ماهو ب يشقا
وكاني قويت الشوق ومانته بقاوي
باعلمك تصبر على كل فرقا
باعلمك بالحب كان انت ناوي
للحب دربٍ صعب وللشوق مرقىٰ
ماني بقايل بالمحبه بلاوي
باقول لك بادعي على الدوم نبقى
تعال وشوف القلب لاويه لاوي
تلقى غلاك بكل قاصيه تلقى
وبه جو ممطر والحشا منك راوي
يا أصفا من غيوم السماوات وأنقىٰ
معشب زهر قلبي ولا هو بذاوي
يندىٰ بوصلك ويتنامىٰ ويرقا
وقصر الغلا ماهو بفيني امتهاوي
ويخفق غلاك بمهجة الروح خفقا
