كلمات شيلة مكانك فالصداره ماجد خضير
كلمات : مشعل شباب المطيري
عطيني ربع ساعه ودقي ياهواجيس
ابدعي وارفع ايداي مؤمن بالاجابه
معكر ومتضايق وفي صدري حواسيس
وقبلي قيل من طاوله سقمه غدابه
يعلّم عن وقوع الخطر دق النواقيس
لوني ماافعل الشي لين احسب حسابه
مرتب كل حاجه ومتعوذ من ابليس
وخاف الله وعندي مخافه من عذابه
ولاني رايق البال تحصلي عواكيس
لو اهدا يوم واحد تراودني غرابه
ومن عود رجوله على بعد المراميس
اخذ ميزه ثمينه من اطبوع الذيابه
لا تهمل جانب الصدق في كل المقاييس
اخذ عبره بما نزل الله في كتابه
مثل قصت اسليمان والهدهد وبلقيس
وغاب وجاب الاخبار وافصح عن غيابه
وبعض الحب صافي مايدخل فيه تدنيس
نزيه انقى من اللي محول من سحابه
وياعنتر وعبله وياليلى وياقيس
يقولون القصص تختلف رغم التشابه
يجي نفحة غلاها مع انسام النسانيس
وياعزي لجرحن نزف محدن درا به
ولاينقص هوازن لاقدر ولانواميس
فخر والاسم نشمي بساسه وانتسابه
مسكتي للعذارى المخارج والمتاريس
حكمتي حكم جاير مثل حكم النيابه
وسببتي لهم ضغط وصداع وكوابيس
من يضاهيك معذور لو شقق ثيابه
وتعطي فالادب والوفا دورات تدريس
من الله ماعطاها من اخلاق ومهابه
قدومك ينّصا باالدفوف وبالمراويس
بها الشكل اعرف الضيف من حضرت جنابه
مدام اهل المقام الرفيع الهم مجاليس
مكانك ف الصداره على عز ورحابه
يفكك ربي من المقرد والمناحيس
لعل الشر عن حظرتك مقفول بابه
تقوي ياعواصف وشبي يامقابيس
وقلب الحاسد يزيد همه والتهابه
كلامن صدق ماهو بحبرن في قراطيس
وهرج الصدق مافيه نقد ولاعيابه
